SUMQAYIT ÖZEL TÜRK LİSEYİNİN MEZUNLARI ÜÇÜN SON ZENG SESLENMİŞDİR
Sumqayıt, 27 may (AzerTAc). Sumqayıtın Üzeyir Hacıbeyli adına Medeniyyet sarayında özel türk liseyi mezunlarının buraxılış gecesi keçirilmişdir. Tedbir ümummilli lider Heyder Eliyevin respublikaya rehberliyinin 40 illiyi ve Sumqayıta şeher statusu verilmesinin 60 illiyi ile üst-üste düşmüşdür.
Liseyin şagirdleri, qonaqlar, valideynler ve müellimler dahi lider Heyder Eliyevin xatiresini bir deqiqelik sükutla yad etmişler. Sonra Azerbaycanın Dövlet himni seslenmişdir.
Tedbir Heyder Eliyevin Azerbaycan KP MK-nın birinci katibi ve respublika Prezidenti vezifelerinde fealiyyetine hesr olunmuş videofilmin nümayişi ile başlamışdır.
Liseyin direktoru Ahmet Arslan demişdir: “ Öten tehsil ilinde bütün mezunlarımız respublikanın ve dünyanın ali tehsil müessiselerine daxil olmuşlar. Daha bir bilik ve uğurlarla zengin tedris ili tarixe çevrildi. Builki mezunlar da tehsilde, idmanda ve yaradıcılıqda yüksek nailiyyetlerle ferqlenmişler. Onların ekseriyyeti müsabiqelerin, festivalların ve olimpiadaların qalibleri olmuşlar. Sumqayıt liseyinin şagirdleri dünya olimpiadalarında 41, respublika olimpiadalarında ise 56 medal qazanmışlar”.
Liseyin bu il medallara layiq görülmüş şagirdleri sürekli alqış sedaları altında sehneye çıxmışlar. Dünya olimpiadalarında 3 qızıl, 3 gümüş ve 4 bürünc medal qazanmış şagirdlere qiymetli hediyyeler teqdim olunmuşdur. Respublika olimpiadalarının qalibleri de mükâfatlandırılmışlar.
Sumqayıt Şeher İcra Hakimiyyeti başçısının müavinleri Akif Zeynalov ve Ramiz Hesenov, Qafqaz Universitetinin rektoru Ahmed Sanic, Türkiyenin “Çağ öyretim işleri” şirketi Şurasının sedri Enver Özaran, Sumqayıt tehsil şöbesinin müdiri Vidadi Bağırov ve başqaları mezunları tebrik etmişler.
Maraqlı konsert proqramından sonra son zeng seslenmişdir. Mezunlar Azerbaycanın Dövlet bayrağı qarşısında baş eyerek Vetene xidmet etmeye, böyüklere ehtiram beslemeye, öz xalqını sevmeye, dövletin rifahı namine uğurlar qazanmağa and içmişler.
