“Özləri yandı, fəqət yox olmadı”



“Türk dünyasını işıqlandıranlar: M.Akif Ersoy, Hüseyn Cavid” adlı beynəlxalq elmi konfrans öz işinə başladı.  Publika.Az-ın verdiyi xəbərə görə, tədbir AMEA akademik Ziya Bünyadov adına Şərqşünaslıq İnstitutu, Qafqaz Universiteti və  Mehmet Akif Ersoy fikir və sənət vəqfinin təşkilatçılığı ilə keçirilib.
 
Konfrans iştirakçıları tədbirdən öncə Fəxri Xiyabanda ümummilli lider Heydər Əliyevin və görkəmli oftalmoloq Zərifə Əliyevanın məzarını ziyarət ediblər.

Qafqaz Universitetində təşkil edilən konfransın açılışında, ilk olaraq, Azərbaycan Respublikası və Türkiyə Cümhuriyyətinin himnləri səslənib. Daha sonra Hüseyn Cavidə və Mehmet Akif Ersoya həsr olunmuş sənədli filmlər nümayiş etdirilib.

Konfransın işində Azərbaycan və Türkiyədən millət vəkilləri, rəsmi dövlət qurumlarının nümayəndələri, ictimai xadimlər, 12 ölkədən, o cümlədən Azərbaycan, Türkiyə, Özbəkistan, Qırğızıstan, Misir, Makedoniya, Serbiya, Rusiya və s. dövlətlərdən 100-dən çox alim iştirak edib.

Konfransı giriş sözü ilə açan Qafqaz Universitetinin rektoru, professor Ahmet Sanıc tədbir iştirakçılarını salamlayaraq, onlara işlərində uğurlar arzulayıb, Mehmet Akif Ersoyun və Hüseyn Cavid öz zəngin yaradıcılıqları ilə bütün türk dünyasını işıqlandırdıqlarını qeyd edib.
AMEA akademik Ziya Bünyadov adına Şərqşünaslıq İnstitutunun direktoru, millət vəkili, professor Gövhər Baxşəliyeva XX əsrin əvvəllərində Azərbaycan və Türkiyə mədəni həyatına əsərləri ilə möhürünü vuran şairlər arasında fikirləri və əsərləri ilə millətin yolunu işıqlandıran və qəlbində taxt quran iki böyük sənətkarın olduğunu vurğuladı:
 
“Bunlardan biri türk “İstiqlal şairi” Mehmet Akif, digəri isə Azərbaycan ədəbiyyatında romantizm cərəyanının banisi Hüseyn Caviddir”.

G.Baxşəliyeva ümummilli liderin söylədiyi “Bir millət – iki dövlət” sözlərinin bir bariz nümunə kimi konfransın həsr olunduğu iki qardaş şairin həyat və fəaliyyətində  də öz əksini tapdığını, Mehmet Akifin də doğumundan ta ölümünə qədər bütün həyatı və fəaliyyəti boyunca Cavidlə bənzər tale yaşadığını qeyd edib:

“Hər iki şairin həyat və fəaliyyətinə, əsərlərində qələmə aldıqları mövzuların ideya-məzmun xüsusiyyətlərinə, hətta Allahın onlara bəxş etdiyi tale yoluna nəzər saldıqda nə qədər çox bənzərliklərin olduğunu görürük. Onlar bütün ömürlərini xalqın, millətin və bütün İslam aləminin, türk dünyasının istiqbalı üçün şam kimi əritdilər. Özləri yandı, fəqət yox olmadı. Onlar millətin bu gününü, gələcəyini işıqlandıraraq, xalqın, millətin qəlbinə köçdülər. Onlar istər ədəbiyyat, istərsə də ictimai tariximizdə böyük bir iz qoyublar. Xalqımız, tariximiz nə qədər yaşayacaqsa, Hüseyn Cavid və Mehmet Akif irsi də o qədər yaşayacaq”.

Daha sonra Türkiyənin Azərbaycandakı səfiri Alper Coşkun, Türkiyə Cümhuriyyəti millət vəkili Nevzat Yalçıntaş, Mehmet Akif Ersoy fikir və sənət vəqfinin rəhbəri Mehmet Cemal Çiftçigüzeli, Türkiyə Bağçılar  bələdiyyəsinin sədri, Türkiyə Cümhuriyyəti Bələdiyyələr Birliyinin sədr müavini Lokman Çağrıcı, TİKA-nın Azərbaycan üzrə koordinatoru Ali Muslu, Bakı Yunis Əmrə Türk Mədəniyyət Mərkəzinin müdiri Səriyyə Gündoğdu, Hüseyn Cavid ev muzeyinin direktoru Gülbəniz Babaxanlı, millət vəkili Arif Əşrəfov çıxış edərək, Mehmet Akif Ersoy və Hüseyn Cavidin hər iki xalqın, bütövlükdə türk dünyasının ədəbiyyatında və ictimai həyatında əvəzsiz rolunu qeyd ediblər.

Açılış tədbirinin sonunda Qafqaz Universiteti və Türkiyə Cümhuriyyəti Bələdiyyələr Birliyi arasında saziş imzalandı. Sazişi Qafqaz Universiteti tərəfindən bu ali məktəbin rektoru professor, doktor Ahmet Sanıc, Türkiyə Cümhuriyyəti Bələdiyyələr Birliyi tərəfindən qurumun sədr müavini Lokman Çağrıcı imzaladılar. Sonra konfransın açılış mərasimində çıxış edənlərə Qafqaz Universiteti və Mehmet Akif Ersoy fikir və sənət vəqfinin plaketləri təqdim edilib.

Konfrans öz işini bölmələrdə davam etdirib.

Publika.Az

Bu blogdaki popüler yayınlar

Azerbaijan - GOV - Azerbaijan to Host an International ICT Conference

The 3rd International Conference on Application of Information and Communication Technologies (AICT2009) will be held in Baku on the October 14-16, 2009. The conference invites high-quality recent research results in the areas of Information and Communication ICT in Emergency services and disaster recovery, ICT in Education and businesses, ICT in Research, ICT in security, ICT in Health care services and bio-informatics, Home and Health networking, ICT in governments, Electronic commerce, Mobility and Mobile Payments, Broadband access, satellite services, rural communications, Mobile and Wireless Communications, optical communications and networking, architectures, protocols, planning and design, ICT in management and modeling, analysis, simulation and performance evaluation and test results. The main goal of the conference is to bring together scientists and engineers who work and teach in these specialized fields to submit recent papers and come together in this geographi
More>>> Devamı>>>

Özəl və dövlət ali təhsil məktəbləri arasındakı fərq

Resim
Mətn ölçüsü:   Son dövrlər Azərbaycanda özəl universitetləri çıxmaq şərtilə, dövlət ali məktəblərində demək olar ki, rəqabət olmadığından bir çox tələbə işəgötürənlər tərəfindən qəbul edilmir. Nəticədə min bir əziyyətə qatlaşaraq dövlət universitetini bitirib diplom alan tələbə iş tapa bilmir. O da faktdır ki, bir çoxları nəyin bahasına olursa-olsun saxta diploma belə əl ataraq işə qəbul edilir və nəticədə yenə təhsilin tədrisi təhlükə altına düşür. Pullu təhsildən bu sahədə biznes quranların daha çox qazanmasına keç kəs irad tuta bilməz. Amma pullu təhsilin cibi boş olan savadlı və istedadlı gənclərin yolunu bağladığı da gerçəklikdir. Yaxşı, görəsən hazırda gənclərin təhsilə marağı hansı səviyyədədir və ümumiyyətlə nə üçün Azərbaycanda özəl təhsil, dövlət hesabına təhsili sıxışdırır? Bu hal Azərbaycanla müqayisədə xarici ölkələrdə necədir? Əməkdaşımız Aynurə Sultan ali təhsilin hazırkı vəziyəti ilə bağlı bu və digər suallara cavab tapmağa çalışıb.
More>>> Devamı>>>

Ən yüksək keçid balı Qafqaz Universitetinin birinci qrupuna daxil olan kompüter mühəndisliyi ixtisasındadır

Resim
Tələbə Qəbulu üzrə Dövlət Komissiyası (TQDK) 2011-2012-ci tədris ili üçün tələbə qəbulu ilə bağlı elmi-statistik təhlilin nəticələrini açıqlayıb. TQDK sədri Məleykə Abbaszadə bildirib ki, bu il ali təhsil müəssisələrinə qəbul imtahanlarında 5433 abtituriyent 500-dən, o cümlədən 1540 abitruiyent 600-dən yuxarı bal toplayıb. M.Abbaszadə abituriyentləri yüksək nəticələr göstərən bölgələrin də müəyyənləşdiyini qeyd edib. Onun sözlərinə bunlar əsasən respublikanın 72 bölgəsini təmsil edir. “Bakı, Sumqayıt, Naxçıvan şəhərləri, o cümlədən Qax, Ordubad, Qəbələ, İsmayıllı rayonlarından ali məktəblərə imtahan verən abituriyentlərin bal göstəriciləri yüksək olub. Bu bölgələrdən ali təhsil müəssislərinə sənəd verən hər 100 nəfər gəncin 6-9-u imtahanlarda 500-dən yuxarı bal toplayır. Bu göstəricidə rayonlar üzrə Qax liderlik edir. Qax abituriyentlərinin topladığı bal orta hesabla 255-dən yuxarıdır. İmtahanlarda ən aşağı balı İmişli, Ağsu, Hacıqabul rayonlarının abituriyentləri
More>>> Devamı>>>